Rimani sempre aggiornato sulle notizie di labarbagia.net
Diventa nostro Fan su Facebook!

In memoria de Franco Columbu

| di Salvatore Frau
STAMPA
Ollolai. Franco Columbu

In Memoria de F. Columbu

 

Est morta una pagin’e istoria

Ollolaesa  figura importante.

Zovanu isportivu unu gigante

de Ercole prus orte unu nurahe.

Ud’ unu galant’omine de pahe

tottu su mundhu l’est antandhe gloria.

 

D’olimpya mister de s’universu

fisicu ‘e adzarzu e culturista.

Cada comunicau giornalista

l’ha dedicau rias in onore.

Ha fattu ‘e regista e de attore

solu su mare l’est istau avversu.

 

Issu pessamentosu e solu solu

sutta lunas anzenas ha dromiu.

Visandhe fruttu sardu saporiu

aghera sana e s’abba ‘e viddha.

De sos agrestes su nushu armiddha

l’ha disizau e est ghirau a bolu.

 

Discepolu de Ursus e Sansone

est’ iscrittu in s’issoro vangelu.

In s’arhu ohloriu ‘e su ehlu

deus lu collad’a manos ispartas.

Li dia podiu, pramas in donu artas

l’immortaled’ eternu campione.

 

Da sa turra musica in mimoria

sa ampana sua a tohu perfettu.

De sos parentes vohes de affettu

a lacrimas in ocros meda gente.

Mudau è b’eranu veramente

po viazare a Santa Vittoria.

 

Salvatore Frau

Contatti

redazione@labarbagia.net
mob. 347.0963688
Accedi Invia articolo Registrati
Cittanet
Questo sito utilizza cookies sia tecnici che e di terze parti. Continuando la navigazione acconsenti al loro utilizzo - Informativa completa - OK