Mamma  'e  su  fizu  annunziadu
femmina  'e    piantu     genuina.
Maria 'e  altos  regnos sa  rejna
l'has' idu in  sa  rughe fragelladu.

Brazzos,  manos e pedes cravadu
in  conca   una  corona      ispina.
O  Madonna potente   e    divina
poit'a  Giuda    trair'has   lassadu.

Tue    podes   Maria  'e   dolore
e  podes  fagher galu calchi cosa
pasalu  su  potere   casta   mala.

Dona  a  chie    li  mancad' amore
oe   b'est   gente  meda bisonzosa
pianghende  cun   sa  rughe a pala.