Maju

Maju  est  su  mese 'e sas isposas
e    de   aranzu     fiores    biancos.
Bellas    rejnas  a  ojos     istancos
visende   solu     estires   e   rosas.

In  cresia   cun   s'isposu  luminosas
de  invitados    pienos  sos  bancos.
Ambas  manos  astrintas  a  fiancos
creaturas    promissas      virtuosas.

Che  turturas  giurende  de   s'amare
si    durana    eternas          istajones
unu    viazu    in    terras      lontanas.

Lugores  chi  non  s'an'a   consumare
mesu   zigias  de  maju  che  anzones
a    musica  'e   organu   e  campanas.