Oe sun tristos sos moros bendados
poite  est   rutu    unu        nuraghe.
Pianghene  lacrimas  senza   paghe
totta  die  a  mes'asta  s'istendardu.
E   a   li   dare  su  saludu     sardu
Sos  gigantes ideles sun  pesados.

Mancad'unu 'e sos nuraghes mannos
forte, crarosu   a    s'isula       intrea.
de           comunidade       europea
Sardu  ne  a  destra  ne  a    manca.
Visava  sa  terra  sua  zona  vranca
libera   dae   Roma   medas  annos.

E  galu  s'aurora   est' a     distanza
dae  s'idea   sua   annos      chentu.
De  bendados  sospiros  a su entu
s'intendene lis palpitan  sos  coros.
Sardos  e  non  solu  batto  moros
sutta  'e  s'istendardu  s'isperanza.