La redazione augura una serena Pasqua a tutti i lettori de labarbagia.net.

Est  Pasca

Cristos  est  risortu  est  Pasca  manna
campanas  festosas  sinnos  cristianos.
semenan  paghe  astrintas  de  manos
riede     s'amore    in    d'onzi     janna.

In    custa    die   de   Deus    e   Maria
soldados  nostros  in tottu  su mundu.
Suni  columbas  chi  lu  giran in  tundu
cun  pandelas   de  palma   e  de  olia.

Da     sa    ucca    paraulas    sinceras
cantos  de  gloria  e  versos  fioridos.
Ue   b'est  gherra  de  paghe  sididos
intro    su   coro   si   pintan'  isperas.

Astros  de  paghe  pottan' ascultare
laras  serradas   tzirrios  de  dolore.
Sas    ienas  de   s'Isis   su    terrore
las  paset  Cristos  o  forza  militare.

Santa  Pasca  'e    nuscos   plelibados
su    gustu  'e     s'arrostu     saporidu.
Iscorzados    e   puntos   in     s'ispidu
sun sos anzones sos senza peccados.

       Salvatore  Frau